ახალციხის სოფლებში ნაგვის ურნებს დადგამენ

ახალციხის მუნიციპალიტეტის გამგეობის შესყიდვების სამსახურის უფროსი ქეთევან ინასარიძე ამბობს, რომ ნაგვის კონტეინირების შეძენის ერთი ეტაპი უკვე დასრულდა. ადგილობრივი ბიუჯეტიდან 43 კონტეინერის შესაძენად 26.999 ლარი დაიხარჯა: „გამგეობა დამატებით კიდევ გეგმავს კონტეინერების შეძენას. ამისთვის ბიუჯეტიდან 58.000 ლარი გამოიყოფა“.

გამგეობაში განმარტავენ, რომ კონტეინერები ახალციხის მუნიციპალიტეტის ტერიტორიაზე განთავსდება.

„გაზაფხულის ბოლომდე ნაგვის კონტეინერები თითქმის მთელს მუნიციპალიტეტში იქნება“, – ამბობს ქეთევან ინასარიძე.

[მანანა სარაშვილი, ახალციხე]