სამი ახალგაზრდის მკვლელობაში ბრალდებული დანაშაულს აღიარებს

მთავარი → სამართალი 24.02.2015

სამი ახალგაზრდის მკვლელობაში ბრალდებული, ადიგენის საჯარო რეესტრის ყოფილი უფროსი დავით კუბლაშვილი, მკვლელობას აღიარებს, თუმცა, პრეტენზია აქვს ამ განზრახვის წარმოშობის მიზეზებთან.

ამის შესახებ ახალციხის რაიონულ სასამართლოში მიმდინარე, კუბლაშვილის წინა სასამართლო სხდომაზე ბრალდებულის ადვოკატებმა განაცხადეს.

ადვოკატების განმარტებით, ვიდრე კულაშვილის ფსიქიკური მდგომარეობა გაუარესდებოდა, მათი დაცვის ქვეშ მყოფი მაშინ აცხადებდა მათთან ასე. ახლა კი ჯერ ფსიქიატრიული ექსპერტიზის პასუხი უნდა გახდეს ცნობილი.

შეგახსენებთ, 6–თვიანი ლოდინისა და არაერთგზის გადადების შემდეგ, ახალციხის რაიონულმა სასამართლომ სოფელ ყარათუბანში, სამი ახალგაზრდის მკვლელობაში ბრალდებულის საქმეზე, წინა სასამართლო სხდომა დაიწყო. სხდომას არ ესწრება ბრალდებული. როგორც მოსამართლემ განმარტა, სასჯელაღსრულების დეპარტამენტიდან მიიღეს წერილი, რომლის თანახმად, ბრალდებული თანახმაა პროცესი მის გარეშე გაიმართოს.

სასამართლოს დარბაზი სავსეა გარდაცვლილების ახლობლებით. ყარათუბნელთა ნაწილი, ვინც დარბაზში არ დაეტია, სასამართლოს ეზოშია შეკრებილი.

[ნინო ნარიმანიშვილი, თამუნა უჩიძე, ახალციხე]