მთავრობა რეგიონებში პროექტების სუბსიდირებას აპირებს

პრემიერ-მინისტრის ირაკლი ღარიბაშვილის განმარტებით, მთავრობის ეკონომიკური გუნდი აქტიურად მუშაობს რეგიონების განვითარების გეგმაზე. აღნიშნულის შესახებ პრემიერმა დღეს, 19 თებერვალს გამართულ მთავრობის სხდომაზე ისაუბრა.

„ჩემი დავალებით რამდენიმე თვეა ეკონომიკური გუნდი მუშაობს რეგიონების განვითარების გეგმაზე, თითოეული რეგიონი დეტალურად შევისწავლეთ, აღვწერეთ რეგიონების რესურსი, მათი პოტენციალი. ვაპირებთ, მარტის თვიდან დავიწყოთ ამ გეგმის პრეზენტაცია. ჩვენ მჭიდროდ ვთანამშრომლობთ კერძო სექტორთან", - აღნიშნა ირაკლი ღარიბაშვილმა.

მისივე თქმით, 2015 წელს მაქსიმალურად გააქტიურდება სახელმწიფო პროგრამა „აწარმოე საქართველოში“, რათა წარმოება განვითარდეს და რაც შეიძლება მეტი სამუშაო ადგილი შეიქმნას.

[sknews.ge]