ჯანდაცვის სამინისტრო 2015 წელს C ჰეპატიტთან ბრძოლის წლად აცხადებს

პროექტის მიზანი არა მხოლოდ მედიკამენტის მიწოდება, არამედ სწორი დიაგნოსტიკა-მკურნალობა იქნება. ეს პირველ რიგში გულისხმობს დაავადების პრევენციას, დაავედებულთა სამკურნალო მედიკამენტით უზრუნველყოფასა და სერვისების მაქსიმალურად მაღალი ხარისხით მიწოდებას. ამის შესახებ საქართველოს ჯანდაცვის მინისტრმა დავით სერგეენკომ 2015 წლის პირველ ბრიფინგზე ისაუბრა.

დავით სერგეენკომ მოუწოდა მთავრობისა და საზოგადოების წევრებს, ასევე მედია საშუალებებს, გამოხატონ საკუთარი მოსაზრება, მიწერონ ჯანდაცვის სამინისტროს 3 გზავნილი, როგორ შეიძლება დავამარცხოთ C ჰეპატიტი. აზრის გამოხატვა უნდა მოხდეს სოციალურ ქსელში და მოინიშნოს ჯანდაცვის სამონისტროს ოფიციალური ფეისბუქ გვერდი, რათა სამინისტროს საზოგადოებასთან ურთიერთობის სამსახურმა აკონტროლის და მონიტორინგი გაუწიოს რა სახის გზავნილები შევა საზოგადოებიდან.

აქცია სოცილურ ქსელში უკვე დაიწყო. პირველი გზავნილი დავით სერგეენკომ გაავრცელა.

[ნინო ნარიმანიშვილი, ახალციხე]