„მე ვარ შარლი ებდო“ – 9 იანვარს ახალციხეში სოლიდარობის აქცია გაიმართება

სოლიდარობის აქცია ახალციხის ცენტრალურ პარკში, 13:00 საათზეა დაგეგმილი. აქცია სოციალურ ქსელში „სამხრეთის კარიბჭემ“ დაგეგმა.

სოლიდარობის გლობალური კამპანია, ფრანგულ სატირულ ჟურნალ Charlie Hebdo-ზე თავდასხმის გამო მთელს მსოფლიოში იმართება.

შეგახსენებთ, 7 იანვარს, ჟურნალ Charlie Hebdo-ზე თავდასხმა მოხდა, რის შედეგადაც 12 მოქალაქე დაიღუპა: გაზეთის მთავარი რედაქტორი, ოთხი კარიკატურისტი და პოლიციელები. თავდასხმამდე მოჰყვა ჟურნალის მიერ გამოაქვეყნებულ ტვიტს,
ISIS-ის ლიდერის აბუ ბაქარ ალ ბაღდადის კარიკატურას.

საფრანგეთში მომხდარი ტერორისტულ აქტად შეფასდა და 8 იანვარი საფრანგეთში ეროვნული გლოვის დღედ გამოაცხადდა.

რედაქციაზე მომხდარ თავდასხმას გამოეხმაურნენ საქართველოს პირველი პირები, საქართველოს პრემიერ-მინისტრმა და პრეზიდენტმა ფრანგ ხალხს სოლიდარობა გამოუცხადეს.სოლიდარობის მიზნით თბილისში აქცია გამართეს მოქალაქეებმა.

[ნინო ნარიმანიშვილი, ახალციხე]