ახალციხეში გარე ვაჭრობა დარეგულირდება და ქალაქის ტერიტორია დაინომრება

დღეს, 29 დეკემბერს, ქალაქ ახალციხის საკრებულოს სხდომაზე დეპუტატებმა კენჭი უყარეს ქალაქ ახალციხის მუნიციპალიტეტის ტერიტორიაზე ქუჩების, ხეივნების შესახვევების, ჩიხების, მოედნების, სკვერების, შენობა–ნაგებობების, მრავალბინიანი სახლების, სადარბაზოებისა და ბინებია ნუმერაციის დამტკიცების წესსა და ქალაქ ახალციხის მუნიციპალიტეტის ტერიტორიაზე გარე რეკლამის განთავსების ნებართვის მიღებისა და რეგულირების წესს.

როგორც საკრებულოს თავმჯდომარემ, კახა ბერიძემ განაცხადა, დანომვრას მერია მერიაში შეტანილი განცხადებების საფუძველზე უზრუნველყოფს.
ასევე, 2015 წლის პირველი მარტიდან, ახალციხეში რეკლამის განთავსების წესი ამოქმედდება. გადასახადი არ დაწესდება, თუმცა, გამოიყოფა ის ადგილები, სადაც შესაძლებელი იქნება გარე ვაჭრობა.

„უბრალოდ დარეგულირდება გარე ვაჭრობა, როგორი ფორმით უნდა ივაჭრონ, რა ტერიტორიაზე და ა. შ. ეს ხელს შეუწყობს ქალაქში ავტომანქანების უსაფრთხოდ მოძრაობასაც“, – ამბობს კახა ბერიძე.

[მანანა სარაშვილი, ახალციხე]