ხვალ, ახალციხეში გაზის მიწოდება შესაძლოა 12 საათით შეფერხდეს

როგორც ბუნებრივი აირის მიმწოდებელ კომპანიაში ხსნიან, შეფერხება წითელი ხიდი-წალკა - ახალქალაქის მონაკვეთზე საქართველოს გაზის კორპორაციის მიერ დაგეგმილ სარემონტო-სამუშაოებს უკავშირდება.

ნამდვილად შეწყდება თუ არა გაზის მიწოდება, კომპანიაში ვერ აკონკრეტებენ.

„შეიძლება წნევა დავარდეს ან გაითიშოს. თუ მოხმარება სტანდარტული იყო, თუ მარაგი ეყო, შეიძლება არც გაითიშოს“, - გვიხსნის „ინტერგაზის“ დირექტორი ვასილ აბულაძე.

თუმცა, გაზის კომპანია მოსახლეობას მოსალოდნელი შეფერხების შესახებ წინასწარ აფრთხილებს და მზადყოფნისკენ მოუწოდებს.

[ნინო ნარიმანიშვილი, ახალციხე]