ახალციხეში ოთხი მინი სტადიონი კეთდება

ახალციხეში სტადიონების რეაბილიტაცია ერთი კვირის წინ დაიწყო. რუსთაველის #103-სა და რაბათში მინი სტადიონს ტენდერში გამარჯვებული კომპანია შპს „პერსპექტივა“ აკეთებს.

რუსთაველის ქუჩაზე არსებული სტადიონის რეაბილიტაციისთვის ქალაქის ბიუჯეტიდან 39430, 33 ლარია გათვალისწინებული, რაბათის სტადიონისთვის კი 14209, 68 ლარი.ი

კოსტავას ქუჩაზე სტადიონის რეაბილიტაცია 23012,74 ლარი ჯდება, ხოლო თამარაშვილის ქუჩაზე 34986, 26 ლარი. აღნიშნულ ქუჩებზე მინი სტადიონებს შპს „ასიანი 5“ აკეთებს.

როგორც ქალაქ ახალციხის მერის მოადგილე ზაზა გელაძე ამბობს ოთხივე სტადიონი თანამედროვე სტანდარტების შესაბამისად კეთდება.

„ყველა სტადიონზე ხელოვნური საფარი კეთდება, შემოვღობავთ, ღობეს შევღებავთ, ასევე დამონტაჯდება განათებაც. სტადიონს რაც სჭირდება ყველაფერი გაკეთდება“, – ამბობს ზაზა გელაძე.

სატენდერო დოკუმენტაციის თანახმად შპს „ასიანი 5-მა" თამარაშვილის და კოსტავას ქუჩებზე სტადიონის რეაბილიტაცია 5 დეკემბერს უნდა დაასრულოს, შპს „პერსპექტივამ" კი 8 დეკემბერს.

[მანანა სარაშვილი, ახალციხე]