გურამიშვილის ქუჩაზე სტადიონის მშენებლობა დასრულდა

გურამიშვილის ქუჩაზე სტადიონის სამშენებლო სამუშაოები 27 ივლისს დაიწყო, რისთვისაც ადგილობრივი ბიუჯეტიდან 54 320 ლარი გამოიყო. დასრულებული სტადიონი ქალაქ ახალციხის მერის მოვალეობის შემსრულებელმა ილია ზარდიაშვილმა, მერის მოადგილე ზაზა გელაძემ და მერიის ურბანული დაგეგმარებისა და საქალაქო მეურნეობის სამსახურის უფროსმა გელვასი გელაძემ დაათვალიერეს.

სამუშაოები ტენდერში გამარჯვებულმა კომპანიამ, შპს "მშენებელი 2004"–მა შეასრულა.

შეგახსენებთ, რომ სტადიონის რეაბილიტაციის დაწყებას გურამიშვილის ქუჩაზე მეზობლების დაპირისპირება მოყვა. მშენებერე სტადიონის გვერდით მცხორები მელიქიძეები სტადიონის ტერიტორიიდან კუთვნილი საქათმის და სათავსოს აღებას არ აპირებდა, რის გამოც მეზობლებს შორის უკმაყოფილება მოხდა. საბოლოოდ მელიქიძეებმა სათავსოები დაანგრიეს, აღნიშნულ ადგილზე კი ბეტონი დაასხეს, საიდანაც მსურველებს შეუძლიათ მოთამაშეებს უგულშემატკივრონ.

[sknew.ge]