ნინოწმინდის ბავშვთა სახლისთვის საქველმოქმედო აქცია მოეწყო

საქველმოქმედო აქციის მოწყობის იდეა სოციალური მომსახურების სააგენტოს სამცხე-ჯავახეთის რეგიონული საკოორდინაციო ცენტრს ეკუთვნის. სამსახურის თანამშრომლებმა ახალციხის მუნიციპალიტეტში არსებულ თითქმის ყველა საჯარო და კერძო დაწესებულებებს მიაკითხეს და აღნიშნულ აქციაში ჩართვა სთხოვეს. გარდა ამისა, ნინოწმინდის ბავშვთა სახლის აღსაზრდელებისთვის ტანსაცმელი, პროდუქტი და ფულადი დახმარება მოქალაქეებმაც გაიღეს. ასევე აქციაში ჩართული იყვნენ შინაგან საქმეთა სამინისტროს დაქვემდებარებაში მყოფი ყველა ადგილობრივი სამსახური.

„მე და ჩემმა კოლეგებმა რაიონში არსებული თითქმის ყველა ორგანიზაცია მოვიარეთ და ხელმძღვანელობას ვაცნობეთ, რომ აღნიშნული აქციის ჩატარებას ვაპირებდით და მათაც შეეძლოთ მონაწილეობის მიღება. გარდა ამისა, 39-ვე სკოლის დირექტორს დავურეკეთ. ასევე, სოციალური ქსელითაც გავავრცელეთ ინფორმაცია და ვისაც სურვილი ჰქონდა ამ ღონისძიებაში ყველა ჩაერთო, ყველამ რაღაც გარკვეული შემოწირულობა გაიღო, ზოგი თანხით დაეხმარა, ზოგმა ტანსაცმელი, პროდუქტი და სათამაშოები მოგვიტანა“, - ამბობს სოციალური მომსახურების სააგენტოს სამცხე-ჯავახეთის რეგიონული საკოორდინაციო ცენტრის მთავარი სპეციალისტი დათო მურჯიკნელი.



[თამარ თოთაძე, ახალციხე]