მუსლიმებმა ყურბან–ბაირამის აღსანიშნავად შესაწირი დაარიგეს

ყურბან-ბაირამობა მარხვის თვის, რამაზან ბაირამიდან 70-ე დღეს აღინიშნება. ისლამის მიხედვით, მსხვერპლშეწირვის ტრადიცია აბრაამ შუამავლის შთამომავლობიდან მოდის.

მსხვერპლშეწირვისთვის ერთი ან რამდენიმე მუსლიმის ოჯახი იკრიბება და პირუტყვს კლავს, შემდეგ კი საქონლის ხორცს თანაბრად ანაწილებს. მსხვილფეხა პირუტყვის დაკვლა (თხა, ცხვარი) მხოლოდ ერთ ოჯახს შეუძლია, მსხვილფეხა პირუტყვის დაკვლის დროს შეიძლება 7 ოჯახი შეამხანაგდეს. დაკლულ პირუტყვს მუსლიმები სამ ნაწილად ყოფენ, ნაწილი ოჯახში მიაქვთ, ნაწილს მეზობელს, ნაწილს კი გაჭირვებულ მოსახლეობას ურიგებენ. შესაწირი ცხოველი აუცილებლად უნდა იყოს ჯანმრთელი.

ყურბან–ბაირამის დღესასწაულთან დაკავშირებული შესაწირი ადიგენის მუნიციპალიტეტის 7 სოფლიდან შეგროვდა.

„მინდა ყველა მუსლიმს მივულოცო ყურბან–ბაირამის დღესასწაული. ხორცი მოსახლეობამ ჩვენ გამოგვატანა და გვთხოვა, რომ ყველა გაჭირვებულისათვის გადაგვეცა. გვინდა სხვებმაც მოგვბაძონ და ერთად ვაკეთოდ კეთილი საქმე“, – განაცხადა სამცხე–ჯავახეთის მუფთმა მამუკა ვაშაყმაძემ.

სამცხე–ჯავახეთის მუფთმა შესაწირი ახალციხის მეშვიდე სკოლას გადასცა, სადაც შეზღუდული შესაძლებლობების მქონე ბავშვები სწავლობენ.

ყურბანი, ანუ დაკული პირტყვის ხორცი დაურიგეს ახალციხეში მცხოვრებ სოციალურად დაუცველ ათამდე ოჯახსაც.

ყურბან ბაირამის დღესასწაული წელს 4 ოქტომბერს აღინიშნა.

[თინათინ ზაზაძე, ახალციხე]