მუსლიმებმა ყურბანი, დაკლული პირუტყვის ხორცი დაარიგეს

ყურბან-ბაირამობა მარხვის თვის, რამაზან ბაირამიდან 70-ე დღეს აღინიშნება. ისლამის მიხედვით, მსხვერპლშეწირვის ტრადიცია აბრაამ შუამავლის შთამომავლობიდან მოდის.

მსხვერპლშეწირვისთვის ერთი ან რამდენიმე მუსლიმის ოჯახი იკრიბება და პირუტყვს კლავს, შემდეგ კი საქონლის ხორცს თანაბრად ანაწილებს. მსხვილფეხა პირუტყვის დაკვლა (თხა, ცხვარი) მხოლოდ ერთ ოჯახს შეუძლია, მსხვილფეხა პირუტყვის დაკვლის დროს შეიძლება 7 ოჯახი შეამხანაგდეს. დაკლულ პირუტყვს მუსლიმები სამ ნაწილად ყოფენ, ნაწილი ოჯახში მიაქვთ, ნაწილს მეზობელს, ნაწილს კი გაჭირვებულ მოსახლეობას ურიგებენ. შესაწირი ცხოველი აუცილებლად უნდა იყოს ჯანმრთელი.

„ყურბანის, ანუ დაკლული პირუტყვის მესამედი მოსახლეობამ გამოგვატანა და გვითხრეს, რომ გაჭირვებული ოჯახებისთვის დაგვერიგებინა. ვუკავშირები ჩემს იმამებს და ვეკითხები ვინ არის მათ სოფელში გაჭირვებული, რომ გავახაროთ დღეევანდელი დღით",- ამბობს სამცხე-ჯავახეთის მუფთი მამუკა ვაშაყმაძე.

სამცხე-ჯავახეთის მუფთმა ყურბანი ახალიციხის მეშვიდე საჯარო სკოლასაც გადასცა, სადაც ამჟამად 26 შეზღუდული შესაძლებლობის მოსწავლე სწავლობს. შესაწირი დაურიგდა ქალაქში მცხოვრებ სოციალურად დაუცველ რამდენიმე ოჯახსაც.


ყურბან-ბაირამის დღესასწაული 15 ოქტომბერს დაიწყო და სამ დღეს გაგრძელდა.

[თინათინ ზაზაძე, ახალციხე]