ამ წუთებში ახალციხის ციხეში რეპეტიციები მიმდინარეობს

კონცერტისთვის ემზადებიან ზედა ციხეში დამონტაჟებულ სამივე სცენაზე.

’’ვართ სიმებიანი კვარტეტი სახელმწიფო ოპერის თატრიდან. მოხარული ვართ, რომ ჩვენც ჩაგვრთეს ამ ღონისძიებებში. ნანახმა ყოველგვარ მოლოდინს გადააჭარბა. ჩვენ წარმოვადგენთ შეზავებულ მუსიკას, ეს არის კლასიკური, პოპულარული და ქართული მუსიკა”, - ამბობს სახელმწიფო ოპერისა და ბალეტის თეატრის კონცერტმეისტერი ლელა მჭედლიძე.

სიმებიანი კვარტეტის რეპეტიცია ციტადელის მახლობლად დამონტაჟებულ სცენაზე მიმდინარეობს.

სახელმწიფო ოპერისა და ბალეტის თეატრის წარმომადგენელთა მეორე ნაწილი, ვიოლინოსა და არფას ჯგუფი, რეპეტიციას ასევე ზედა ციხის ტერიტორიაზე მდებარე მეორე სცენაზე გადის. ამ წუთებში აქ ხმას ამოწმებენ.

”ამ სცენაზე ვიქნებით კლასიკური მუსიკის წარმომადგენლები. მე შევასრულებ სოლო ნაწარმოებს, ეს იქნება შოპენისა და ლისტის ნაწარმოებები. ასევე შესრულდება საოპერო არიები, რომელთაც მე გავუწევ აკომპანიმენტს”, - გვითხრა პიანისტმა დავით ალადაშვილმა.

ამავე სცენაზე რეპეტიციას გადის მარიამ როინიშვილიც.
”რამდენიმე საოპერო არიას შევასრულებ. ძალიან მიხარია რომ განახლებულ და გალამაზებულ ახალციხეში ვიმღერებ”, - ამბობს იგი.

[skmews.ge]