რა ოდენობის ხელფასებს აიღებენ ახალციხის მერიაში

ამ ეტაპისათვის მერიაში 103 თანამშრომელი იქნება. ახალციხის მერის გიორგი კოპაძის განმარტებით, მიმდინარე წლის ნოემბრის თვიდან მერიას სახანძრო სამსახური გამოეყოფა და მერიაში თანამშრომლების რაოდენობა 63–ით განისაზღვრება.

საჯარო მოხელეთა თანამდებობრივი სარგოები ასე გადანაწილდა: ქალაქის მერის თანამდებობრივი სარგო 2750 ლარით განისაზღვრა; პირველი მოადგილეს 2100 ლარი ექნება; ორ მოადგილეს 2050 ლარი; წარმომადგენლებს (მერს ოთხი წარმომადგენელი ეყოლება) – 1250 ლარი; მერის თანაშემწეს კი 800 ლარი;

სამსახურების უფროსებს (9 სამსახური) 1490 ლარი ანაზღაურება ექნებათ; განყოფილების უფროსებს (12 განყოფილება) – 800 ლარი;
მთავარი სპეციალისტების (სულ 26 ) თანამდებობრივი სარგო – 580 ლარი იქნება; წამყვანი სპეციალისტის (სულ 13) – 560 ლარი; სპეციალისტის (სულ 32) – 520 ლარი; უფროსი სპეციალისტის კი (სულ 2) – 540 ლარი;

[თინათინ ზაზაძე, ახალციხე]