ასპინძის მერიამ 11 პოზიციაზე კონკურსი გამოაცხადა

ასპინძაში მუნიციპალიტეტის მერიაში საჯარო მოხელეთა შესარჩევ კონკურსში განაცხადების მიღების ბოლო ვადა 10 იანვარია.

„სამსახურების უფროსების ადგილები ვაკანტური იყო და ამიტომ მათი კონკურსის წესით შერჩევა გადავწყვიტეთ. კონკურსებს საჯარო სამსახურის ბიურო აკონტროლებს, ამიტომ იმ პოზიციბზე, რომლებიც თავისუფალი იყო ინფორმაცია მივაწოდეთ და კონკურსი გამოვაცხადეთ“, – ამბობს ასპინძის მუნიციპალიტეტის მერი როსტომ მაგრაქველიძე.

ექვსი სამსახურის უფროსის შესარჩევად ასპინძის მერია ხუთწლიან სამუშაო გამოცდილებას ითხოვს. კონკურსანტები სამ ეტაპს – საბუთების გადარჩევას, ზეპირ დავალებასა და გასაუბრებას გაივლიან. გამონაკლისი მხოლოდ მერის მდივნის პოზიცია იქნება, მას კონკურსის პირობების მიხედვით ზეპირი დავალების შესრულება არ მოხუდება.

ასპინძის მერიამ კონკურსი შემდეგ პოზიციებზე გამოაცხადა:

მერის მდივნი (თანამდებობრივი სარგო 600 ლარი);

სახელმწიფო შესყიდვების სამსახურის უფროსი (თანამდებობრივი სარგო 1 200 ლარი);

საფინანსო-საბიუჯეტო სამსახურის უფროსი (თანამდებობრივი სარგო 1 200 ლარი);

ეკონომიკური განვითარებისა და ქონების მართვის სამსახურის უფროსი (თანამდებობრივი სარგო 1 200 ლარი);

კულტურის, განათლების, სპორტის, ძეგლთა დაცვის , ახალგაზრდულ საქმეთა და ტურიზმის განვითარების სამსახურის უფროსი (თანამდებობრივი სარგო 1 200 ლარი);

კონტროლისა და შიდა აუდიტის სამსახურის უფროსი(თანამდებობრივი სარგო 1 200 ლარი);

ადმინისტრაციული სამსახურის უფროსი (თანამდებობრივი სარგო 1 200 ლარი);

ადმინისტრაციული და ინდივიდუალურ სამართლებრივი აქტების მომზადების განყოფილების უფროსი (თანამდებობრივი სარგო 900 ლარი);

ინფრასტრუქტურის, სივრცითი მოწყობის, არქიტექტურის და მშენებლობის ზედამხედველობის სამსახურის არქიტექტურის და მშენებლობის ზედამხედველობის განყოფილების უფროსი (თანამდებობრივი სარგო 900 ლარი);

ინფრასტრუქტურის და სივრცითი მოწყობის განყოფილების III რანგის III კატეგორიის უფროსი სპეციალისტი ინფრასტრუქტურის და სივრცითი მოწყობის საკითხებში (თანამდებობრივი სარგო 600 ლარი);

არქიტექტურის და მშენებლობის ზედამხედველობის განყოფილების III რანგის I კატეგორიის უფროსი სპეციალისტი მშენებლობის ზედამხედველობის საკითხებში (თანამდებობრივი სარგო 740 ლარი).

[ლუბა გიორგაძე, ასპინძა]