20 ივლისიდან ერთიანი ეროვნული გამოცდების პირველადი შედეგების გამოცხადება იწყება

გამოცდების ეროვნული ცენტრის ხელმძღვანელის მაია მიმინოშვილის შეფასებით, წელს აბიტურიენტებმა შარშანდელთან შედარებით უკეთესი შედეგები აჩვენეს. ეს განსაკუთრებით ქართელი ენისა და უცხოენების გამოცდების შედეგებს ეტყობა.

მაია მიმინოშვილის განცხადებით, საბოლოო შედეგები 20-25 აგვისტოსთვის გახდება ცნობილი.

ერთიანი ეროვნული გამოცდები 26 ივნისს, ქართული ენისა და ლიტერატურის გამოცდით დაიწყო და 16 ივლისს, ფიზიკისა და ხელოვნების გამოცდით დასრულდა.

ერთიანი ეროვნული გამოცდებისთვის წელს რეგისტრაცია 36.000–ზე მეტმა აბიტურიენტმა გაიარა. გამოცდებისთვის დარეგისტრირდა 20. 000-მდე პედაგოგი და მასწავლებლობის მსურველი, 12.000-მდე მაგისტრობის კანდიდატი და 5.000-მდე სტუდენტი, რომელიც გრანტის გაუმჯობესებას ეცადა.

[SKnews.ge]