ხვალ ახალციხეში ირაკლი ღარიბაშვილს ელოდებიან

შეხვედრა 16:00 საათზე, ახალციხის ცენტრალურ პარკშია დაგეგმილი. "ქართული ოცნების" ახალციხის მერობის კანდიდატი ირაკლი ღარიბაშვილმა სპორტის სასახლეში 26 აპრილს წარადგინა. ახლა კი გამგებლობისა და მაჟორიტარი კანდიდატების წარდგენაა დაგეგმილი.
შეხვედრის პარალელურად დაგეგმილია "ქუჩის ბიჭების" კონცერტი.

შეგახსენებთ, რომ უკვე ცნობილია, ახალციხის მუნიციპალიტეტის გამგებლობის კანდიდატი "ქართული ოცნებიდან" ზაზა მელიქიძე იქნება. მას წინასაარჩევნო კამპანია უკვე დაწყებული აქვს.

ზაზა მელიქიძე 1966 წელს 6 მაისს ასპინძის რაიონის სოფელ ტოლოშში დაიბადა. დაამთავრა ამავე სოფლის საჯარო სკოლა. რის შემდეგაც სასოფლო–სამეურნეო ინსტიტუტში, საბუღალტრო–ეკონომიკურ ფაკულტეტზე ჩააბარა. მუშაობდა სარემონტო სამესნოს ავტოშემკეთებლად, შემდეგ ახალციხის ადგილმრეწველობის სარაიონთაშორისო საწარმოო გაერთიანების მომარაგება–გასაღების უფროსად. მოგვიანებით კი ამავე გაერთიანების ლუდის საამქროს თავმჯდომარე იყო, კოოპერატივ „ვარძიას“. ასევე იყო შპს „მესხეთი XXI“ –ის დირექტორი. 2010 წლიდან კი შპს „მელიზას“ ხელმძღვანელია.


[თამარ თოთაძე, ახალციხე]