ლეიკემიით დაავადებული გოგონას მხარდასაჭერად ახალციხეში საქველმოქმედო კონცერტი გაიმართება

მთავარი → საზოგადოება 20.03.2014

20 მარტს, 16:00 საათზე, ლეიკემიით დაავადებული, 28 წლის, მარი გიორგაძის დასახმარებლად, ახალციხეში საქველმოქმედო კონცერტი გაიმართება.

მარი გიორგაძის დასახმარებლად მესხეთის სცენაზე 11 ქართველი შემსრულებელი გამოვა: ანი გოზალიშვილი, ბედინა, ირაკლი ნიკაჭაძე, ირკა ეძგვერაძე, ჯუჯები, მაიკლ გური, DaCki & $aNny, თეო გურჩიანი, REVERGE CREW, ვეკო გავაშელი და KEN TI.

აქციის ორგანიზატორია KEN TI,კონცერტი კი "თბილისი სითის" ორგანიზებით იმართება.

კონცერტი მესხეთის (ახალციხის) პროფესიულ სახელმწიფო თეატრში ჩატარდება. ბილეთის ფასი 10.00 ლარია.

ახალციხის მუნიციპალიტეტის სოფელ წყორძაში მცხოვრებ მარი გიორგაძეს ლეიკემიის დიაგნოზი რვა თვის წინ დაუსვეს. მას გადაუდებელი ოპერაცია ესაჭიროება, რომელიც 200 000 ევრო ჯდება.

ამ ხნის განმავლობაში გოგონას მეგობრებმა ქალაქში არაერთი ღონისძიება გამართეს. სასურსათო მაღაზიებში გოგონას დასახმარებლად მათ ყუთებიც დადგეს.

მარი გიორგაძის სახელზე გახსნილია ანგარიშიც.
ბანკი კონსტანტა - GE34CN0000036101444446 GEL
ლიბერთი ბანკი - GE65LB0711177415987000GEL/USD/EVR
საქართველოს ბანკი - GE59BG0000000340257900
ტაოპრივატბანკი - GE88TPU249067354997696.

მარი გიორგაძის დახმარება მაგთისა და ბილაინის აბონენტებს ნომერზე - 0901700076 დარეკვითაც შეუძლიათ. ზარის ღირებულება 1 ლარია.

[sknews.ge]