ახალციხის თვითმმართველობამ მშობიარეები დაასაჩუქრა

„იმედში" მყოფ დედებს ახალციხის მუნიციპალიტეტის კულტურის, სპორტის, ძეგლთა დაცვის და ახალგაზრდულ საქმეთა სამსახურის თანამშრომლებმა 65-ლარის ოდენობის ფასიანი საჩუქრები და ყვავილები გადასცეს.

როგორც კულტურის, სპორტის, ძეგლთა დაცვის და ახალგაზრდულ საქმეთა სამსახურის წამყვანი სპეციალისტი მაია სხირტლაძე ამბობს, ნივთები ახალშობილებისთვისაა განკუთვნილი: "რამდენიმე წელია ტრადიციას არ ვარღვევთ და დედის დღეს მშობიარეებს ბავშვისთვის საჭირო პამპერსებით, საწოვარებით, ახალშობილების ჭურჭელითა და სხვა პირველადი მოხმარების ნივთებით ვასაჩუქრებთ“.

კლინიკა „იმედში“ დღეს უმეტესად გოგონები დაიბადნენ.

[მანანა სარაშვილი, ახალციხე]