მზადება გახსნისთვის

ამ წუთებში ტბის მიმდებარე ტერიტორიაზე თექის ნამუშევრების გამოფენა-გაყიდვა იმართება.

50-მდე ნამუშევარზე, რომლებშიც წმინდანები, მეფეები, სამცხე-ჯავახეთში არსებული ტაძრები, სხვადასხვა მულთფილმების გმირები, თოჯინები და სხვადასხვა სამკაულები ჭარბობს, ათი სოციალურად დაუცველი ქალბატონი შვიდი თვის განმავლობაში მუშაობდა. ნამუშევრები სათემო კავშირ ”ღრელის” პროექტის ”სოციალური საწარმო სათემო კავშირის მხარდამხარ” ფარგლებში მომზადდა.

ტბის მიმდებარე ტერიტორიაზე გამოფენილია ახალციხის სამხატვრო სკოლის მოსწავლეთა ნამუშევრებიც.

გასართობი კომპლექსი, რომლის მშენებლობაზეც დაახლოებით 2 მილიონი ლარი დაიხარჯა, მაისის ბოლოს უნდა გახსნილიყო. დაგვიანების მიზეზად ახალციხის მუნიციპალიტეტის საკრებულოს თავმჯდომარემ მალხაზ გიქოშვილმა ხელოვნური ტბის გვერდზე, შვიდსართულიანი სასტუმროს მშენებლობა დაასახელა: ”სასტუმროსთვის საძირკველი კეთდება, რის გამოც ტბაში წყლის ჩაშვება შევაჩერეთ”.

კოპმლექსი საზეიმოდ საღამოს 9 საათზე გაიხსნება. ახალციხელებისთვის ქართული ესტრადის ვარსკვლავები იმღერებენ.

[თამარ თოთაძე, ახალციხე]