შსს: 2013 წელს სამცხე-ჯავახეთში დანაშაულმა 24,6%-ით მოიმატა

შინაგან საქმეთა სამინისტრო გასული, 2013 სრული კალენდარული წლის დანაშაულის სტატისტიკას აქვეყნებს. მონაცემები კრიმინოგენულ მდგომარეობას როგორც ქვეყნის მასშტაბით, ასევე, რეგიონების მიხედვით ასახავს

შსს-ს ინფორმაციით, სამცხე-ჯავახეთში 2013 წელს დანაშაულის ჩადენის 796 შემთხვევა დაფიქსირდა და აქედან 636 გაიხსნა. გახსნის მაჩვენებელი 79,9%-ია. 2012 წელს მომხდარი დანაშაულია - 639 და აქედან გახსნილი - 331. გახსნის მაჩვენებელი - 51,8%. დანაშაულის მატება: 157 (24,6%), გახსნის მაჩვენებლის მატება: 28,1%.

რაც შეეხება კონკრეტულად 2013 წლის დეკემბრის თვეს, 2012 წლის დეკემბერთან შედარებით დანაშაულის ჩადენის მაჩვენებელმა იკლო, გახსნის მაჩვენებელმა კი მოიმატა. 2013 წელს 79 დანაშაული მოხდა და აქედან 71 (91,15%) გაიხსნა, 2012 წლის დეკემბერში კი დანაშაულის ჩადენის 99 შემთხვევა იყო და აქედან მხოლოდ 38 (38,4%) გაიხსნა.

[ნინო ნარიმანიშვილი, ახალციხე]