შსს: ქვეყნის მასშტაბით დანაშაულმა იკლო

შინაგან საქმეთა სამინისტრო 2013 წლის 11 თვის დანაშაულის სტატისტიკას აქვეყნებს. მონაცემები ასახავს კრიმინოგენულ მდგომარეობას ქვეყნის მასშტაბით.

შსს-ს სტატისტიკური მონაცემებით, 2013 წელს, წინა წლის ანალოგიურ პერიოდთან შედარებით, ქვეყნის მასშტაბით დანაშაულის კლება 8492 ერთეულით დაფიქსირდა, რაც 24,2%-ს შეადგენს, ხოლო დანაშაულის გახსნის მაჩვენებელმა 41,3% -ით მოიმატა და 59,6% -ია.

კერძოდ, 2013 წელს ქვეყნის მასშტაბით, 26 628 დანაშაული მოხდა, აქედან, 15 876 გაიხსნა. გახსნის მაჩვენებელი: 59,6%.

გასული წლის იგივე პერიოდში კი 35120 დანაშაული დაფიქსირდა და აქედან მხოლოდ 6 448 გაიხსნა. გახსნის მაჩვენებელი: 18,4%

დანაშაულის კლება: 8492 (24,2%), გახსნის მაჩვენებლის მატება: 41,3%.

[sknews.ge]