სამცხე-ჯავახეთში სექტემბერში გარემოსდაცვითი სამართალდარღვევის 50 ფაქტი გამოვლინდა

გარემოსდაცვითი ზედამხედველობის დეპარტამენტის თანამშრომლების მიერ ქვეყნის მასშტაბით გამოვლენილი 539 სამართალდარღვევიდან 6 ფაქტი სისხლის სამართლის დანაშაულის ნიშნებს შეიცავს.

ყველაზე მეტი ფაქტი ნადირობისა და თევზჭერის წესების დარღვევას ეხება - დეპარტამენტის თანამშრომლებმა ნადირობისა და თევზჭერის მართვის კოდექსის 221 დარღვევა გამოავლინეს.

1 სექტემბრიდან 30 სექტემბრის ჩათვლით გამოვლენილია:

- უკანონო ტყითსარგებლობის - 99 ფაქტი;
- ხე-ტყის ტრანსპორტირების წესების დარღვევის - 95 ფაქტი;
- სახერხი საამქროების მიერ ტექნიკური რეგლამენტის დარღვევის - 19 ფაქტი;
- წიაღის უკანონო მოპოვების - 21 ფაქტი;
- ატმოსფერული ჰაერის კანონმდებლობის დარღვევის - 12 ფაქტი;
- წყლის კანონმდებლობის დარღვევის - 12 ფაქტი;
- მიწის კანონმდებლობის დარღვევის - 17 ფაქტი;
- ნარჩენების მართვის კოდექსის დარღვევის - 14 ფაქტი;
- ნებართვის პირობების დარღვევის/უნებართვო საქმიანობის - 10 ფაქტი;
- ხე-ტყის დამზადების ლიცენზიის პირობების დარღვევის 4 ფაქტი.

აღნიშნულ პერიოდში, სხვა გარემოსდაცვითი სამართალდარღვევის 11 ფაქტია გამოვლენილი.

სექტემბერში, დეპარტამენტის თანამშრომლების მიერ, შიდა ქართლში, სამცხე-ჯავახეთში, სამეგრელო-ზემო სვანეთსა და აჭარაში, ჯამში 4 უკანონო სახერხი საამქროა ამოღებული.

კახეთში გამოვლინდა 101 ფაქტი, დასავლეთის რეგიონული სამმართველოს სამოქმედო ტერიტორიაზე - 210, აჭარასა და გურიაში - 54, სამცხე-ჯავახეთში - 50, აღმოსავლეთის რეგიონული სამმართველოს სამოქმედო ტერიტორიაზე - 46, სამეგრელო-ზემო სვანეთში - 34, ქვემო ქართლში - 30, შავ ზღვაზე კი, შავი ზღვის დაცვის კონვენციური სამმართველოს მიერ, 2 გარემოსდაცვითი სამართალდარღვევაა გამოვლენილი.

რაც შეეხება დედაქალაქს, გარემოსდაცვითი ზედამხედველობის დეპარტამენტის თანამშრომლების მიერ, 2020 წლის სექტემბერში, თბილისში 12 გარემოსდაცვითი სამართალდარღვევაა გამოვლენილი. მათგან 2 სისხლის სამართლის დანაშაულის ნიშნებს შეიცავს.

[sknews.ge]