6 თვეში სამცხე-ჯავახეთში გარემოსდაცვითი სამართალდარღვევის 126 ფაქტი გამოვლინდა

გარემოსდაცვითი ზედამხედველობის დეპარტამენტის თანამშრომლების მიერ ქვეყნის მასშტაბით გამოვლენილი 4 121 სამართალდარღვევიდან 224 ფაქტი სისხლის სამართლის დანაშაულის ნიშნებს შეიცავს.

ყველაზე მეტი ფაქტი ნარჩენებით გარემოს დაბინძურებას ეხება - დეპარტამენტის თანამშრომლებმა ნარჩენების მართვის კოდექსის 1 002 დარღვევა გამოავლინეს.

6 თვის განმავლობაში, ასევე გამოვლენილია:

- ტყის კანონმდებლობის დარღვევის - 942 ფაქტი;
- ხე-ტყის უკანონო მოპოვებისა და ტრანსპორტირების - 619 ფაქტი;
- სახერხის ტექნიკური რეგლამენტის დარღვევის – 206 ფაქტი;
- თევზჭერისა და ნადირობის წესების დარღვევის - 290 ფაქტი;
- წიაღის კანონმდებლობის დარღვევის - 241 ფაქტი;
- ატმოსფერული ჰაერის კანონმდებლობის დარღვევის - 561 ფაქტი;
- წყლის კანონმდებლობის დარღვევის - 75 ფაქტი;
- მიწის კანონმდებლობის დარღვევის - 59 ფაქტი.

აღნიშნულ პერიოდში, სხვა გარემოსდაცვითი სამართალდარღვევის 126 ფაქტია გამოვლენილი.

დეპარტამენტის თანამშრომლებმა 218 გარემოსდაცვითი სამართალდარღვევა გამოავლინეს სამცხე-ჯავახეთში.

კახეთში გამოვლინდა 824 ფაქტი, დასავლეთის რეგიონული სამმართველოს სამოქმედო ტერიტორიაზე - 813, სამეგრელო-ზემო სვანეთში - 376, აღმოსავლეთის სამმართველოს სამოქმედო ტერიტორიაზე - 340, ქვემო ქართლში - 239, შავ ზღვაზე კი, შავი ზღვის დაცვის კონვენციური სამმართველოს მიერ, 16 გარემოსდაცვითი სამართალდარღვევაა გამოვლენილი.

რაც შეეხება დედაქალაქს, გარემოსდაცვითი ზედამხედველობის დეპარტამენტის თანამშრომლების მიერ, 2020 წლის 1 იანვრიდან 30 ივნისის ჩათვლით, თბილისში 248 გარემოსდაცვითი სამართალდარღვევაა გამოვლენილი. მათგან 10 სისხლის სამართლის დანაშაულის ნიშნებს შეიცავს.



[sknews.ge]