ახალციხეში კოვიდინფიცირებული პაციენტი გარდაიცვალა

ფოტო: ვალეს ფეისბუკის გვერდიდან

კოვიდინფიცირებული პაციენტის გარდაცვალების შესახებ ინფორმაციას სამცხე-ჯავახეთის სახელმწიფო რწმუნებულის აპარატი ავრცელებს. გარდაცვლილი ქალაქ ვალეს მცხოვრებია, იგი გარკვეული დროის განმავლობაში ახალციხეში ერთ-ერთ სამედიცინო დაწესებულებაში მკურნალობდა:

„დღევანდელ დღეს, სამწუხაროდ, დაგვიფიქსირდა გარდაცვალების პირველი შემთხვევა, ახალციხის მუნიციპალიტეტში გარდაიცვალა 85 წლის ინფიცირებული ქალი. ეს ქალბატონი მკურნალობას გადიოდა კლინიკაში, ფილტვისა და გულის უკმარისობით, რამდენადაც მე ვიცი“, - ამბობს აპარატის უფროსი გიორგი მიქელაძე.

მისივე განმარტებით, 85 წლის ქალს კორონავირუსი გუშინ, 14 ოქტომბერს, დღის მეორე ნახევარში დაუფიქსირდა. „ის იყო სამედიცინო კლასტერი და როგორც სამედიცინო პერსონალის კონტაქტი ისე გაიტესტა. საავადმყოფოში შესვლისასაც ჰქონდა მას ჩატარებული ტესტირება, მაგრამ მაშინ არ დაუფიქსირდა“, - აცხადებს მიქელაძე.

ამ დროისათვის სამცხე-ჯავახეთში კორონავირუსით ინფიცირების სულ 66 შეთხვევა ფიქსირდება.

[თაკო ფეიქრიშვილი]