სამცხე-ჯავახეთში კოვიდინფიცირებული 14 პირი სახლში მკურნალობს

15 ოქტომბრის, 12:00 საათის მონაცემებით, სამცხე-ჯავახეთში კორონავირუსის მთლიანობაში 66 შემთხვევა ფიქსირდება. მათგან 20 უკვე გამოჯანმრთელდა.

შესაბამისად, აქტიური 46 შემთხვევა რჩება, რომელთაგან:

ბინაზე მკურნალობს - 14 პაციენტი;
სამედიცინო დაწესებულებაში - 32 პაციენტი.

„გვყავს ისეთი პაციენტებიც, რომლებიც ამ დროისათვის ბინაზე გადიან მკურნალობას. შესაძლებელია, საჭიროებების მიხედვით, მოხდეს მათი გადაყვანა სამედიცინო დაწესებულებაში, თუ გამოუვლინდებათ სიმპტომები“, - ამბობს სამცხე-ჯავახეთის სახელმწიფო რწმუნებულის აპარატის უფროსი, გიორგი მიქელაძე.

მისივე თქმით, კორონავირუსით ინფიცირებული პაციენტების ოჯახის წევრებს იმ შემთხვევაში უღებენ ტესტირებას, თუკი მათ კოვიდის რომელიმე სიმპტომი აღმოაჩნდებათ: „ახალი რეგულაციით, თუ ოჯახის წევრებს არ დაუფიქსირდებათ სიმპტომები, მათი გატესტვა არ ხდება“.

სამცხე-ჯავახეთში კორონავირუსის სტატისტიკა ასეთია:

- კორონავირუსის დადასტურებული შემთხვევა - 66
მათ შორის გამოჯანმრთელებული - 20
მათ შორის გარდაცვლილი - 1
- კარანტინის რეჟიმში - 457
- თვითიზოლაციაში - 165

[თაკო ფეიქრიშვილი]