რუსთავთან ავარიისას დაშავებულ 6 წლის ბავშვს ნეიროქირურგიული ოპერაცია ჩაუტარდა

დაშავებული არასრულწლოვნები თბილისში, იაშვილი სახელობის კლინიკაში მკურნალობენ.

„ერთ-ერთს ჩაუტარდა ნეიროქირურგიული ოპერაცია, თავის ტრამვა ჰქონდა, მეორეს მდგომარეობა გუშინვე დამაკმაყოფილებელი იყო“, - გვითხრეს სამედიცინო დაწესებულებაში.

შეგახსენებთ, რომ 25 სექტემბერს ასპინძაში, სოფელ რუსთავთან ავარიის შედეგად ოთხი ადამიანი დაშავდა. მსუბუქი ავტომანქანა, სადაც ოჯახის ოთხი წევრი იმყოფებოდა, ტრაილერს შეეჯახა.

დაშავებული არასრულწლოვნები იმავე დღეს კატასტროფის ჯგუფმა თბილისში, იაშვილის კლინიკაში გადაიყვანა, ბავშვების დედას კი ახალციხის კლინიკა "იმედში" სასწრაფო ოპერაცია ჩაუტარდა, მდგომარეობის დასტაბილურების შემდეგ, ოჯახის მოთხოვნით ისიც თბილისში გადაიყვანეს. მსუბუქი დაზიანებები მიიღო მისმა მეუღლემ, მას ახალციხეში პირველადი სამედიცინო დახმარება აღმოუჩინეს და ბინაზე გაწერეს.

[რიმა სარუხანიან]