ასპინძაში დაშავებული ბიჭები მკურნალობას იაშვილის კლინიკაში აგრძელებენ

10-12 წლის ბიჭები იაშვილის კლინიკაში გუშინ, 25 დეკემბერს კატასტროფის მედიცინის ცენტრის ჯგუფმა რეანომობილით გადაიყვანა. ახლა ისინი იაშვილის კლინიკის კრიტიკული მედიცინის დეპარტამენტში აგრძელებენ მკურნალობას.

„ექიმების თქმით, მძიმე მდგომარეობაა, თავის ტვინის დაზიანებები აქვთ, სხვას ვერაფერს გეტყვით ამ ეტაპზე“,-გვითხრეს იაშვილში.

ორი არასრულწლოვანი მოპედით მსუბუქ მანქანას 25 დეკემბერს დაბა ასპინძაში შეეჯახა.

ერთ–ერთი დაშავებული ასპინძიდანპირდაპირ თბილისში გადაიყვანეს, მეორეს კი ოპერაცია ახალციხეში ჩაუტარდა.

[მარიამ ბარძიმაძე, ასპინძა]