უდეში ინფიცირებულ ექთანთან კონტაქტში მყოფი პირების ტესტირება მიმდინარეობს [ფოტო]

ეპიდემიოლოგები "სამხრეთის კარიბჭესთან" კომენტარს არ აკეთებენ, ადგილობრივები კი აცხადებენ, რომ ტესტირება იმ პირებს უტარდებათ, ვისაც ბოლო რამდენიმე დღის განმავლობაში კორონავირუსით ინფიცირებულ ექთანთან ჰქონდათ კავშირი.

"მთელი დღე მუშაობს ეს ქალი, საღამოობით მოდის სახლში და მაგ დროს ვნახე მეც. ექიმებმა გვითხრეს, ვისაც კონტაქტი გქონდათ ყველა მოდით და ტესტირებას გაგიკეთებთო. მანამდე თვითიზოლაციაში უნდა ვიყოთ", – ამბობს სოფელ უდეში მცხოვრები ერთ–ერთი ადგილობრივი.

შეგახსენებთ, რომ ადიგენის მუნიციპალიტეტში კორონავირუსის ოთხი შემთხვევა დაფიქსირდა, აქედან სამი სოფელ ჭეჭლაში ცხოვრობს. ერთი კი სოფელ უდეში.

ჭეჭლაში მცხოვრებლების დაინფიცირების წყარო აჭარაა, უდელი ექთნის კი უცნობია. სამცხე–ჯავახეთის მხარის ადმინისტრაციაში აცხადებენ, რომ ამ ეტაპზე მიმდინარეობს კონტაქტების მოკვლევა.

სასწრაფო სამედიცინო დახმარების სამსახურში აცხადებენ, რომ შეუფერხებლად მუშაობენ, კარანტინსა და თვითიზოლაციაში მხოლოდ ის პირები გადაიყვანეს, რომლებიც დაინფიცირებულ ექთანთან კონტაქტში იყვნენ.






[sknews.ge]