‘მიუხედავად მაღალი ციფრების, პანიკის საფუძველი არაა’ – ეზუგბაია

ეზუგბაიას თქმით ამ დროისთვის სიტუაცია სრულად კონტროლირებადია , გარკვეულ რეგიონებში კი ვირუსის გავრცელება უკვე ლოკალიზებულია

„ასეთი მაჩვენებელი ქვეყანაში არ ყოფილა, მაგრამ ეს ჩვენ პანიკის საფუძველს არ გვაძლევს და ამიტომ მინდა გითხრათ, რომ შედარებით წყნარად ვიყოთ და ავხსნი, რატომ არ არის ეს პანიკის საფუძველი. გამომდინარე იქიდან, რომ ძალიან მყისიერი, სწრაფი, თანაზომადი ქმედებები განხორციელდა მთავრობის, ჯანდაცვის საინისტროსა და დაავადებათა კონტროლის მიერ, ძალიან სწრაფად მოხდა ინფიცირებულების კონტაქტების მოძიება და მათი გამოკვლევა,“- განაცხადა მარინა ეზუგბაიამ.

12 სექტემბრის დილის მონაცემებით კორონავირუსის სტატისტიკა stopcov.ge–ს მიხედვით ასეთია:

• კორონავირუსის დადასტურებული შემთხვევა - 2075;
• მათ შორის გამოჯანმრთელებული - 1363;
• მათ შორის გარდაცვლილი - 19;
• კარანტინის რეჟიმში - 5882;
• სტაციონარში მეთვალყურეობის ქვეშ - 390;
• უცხოეთიდან სამკურნალოდ გადმოყვანილი საქართველოს მოქალაქეები - 41.

კორონავირუსის შემთხვევების მატების გამო, მთავრობის გადაწყვეტილებით, უსაფრთხოების ზომებთან დაკავშირებული რეგულაციები 10 სექტემბრიდან კიდევ უფრო გამკაცრდა.

COVID-19: რა შეზღუდვები ამოქმედდა 10 სექტემბრიდან

[sknews.ge]