გამყრელიძე მშობლებსა და სასწავლო დაწესებულებების ხელმძღვანელებს მიმართავს

„აუცილებელია დავიცვათ ის რეკომენდაციები, რომლებსაც ჯანდაცვის სექტორი გასცემს. განსაკუთრებით ახლა, როდესაც ერთ კვირაში მობილობა გაიზრდება ქვეყანაში სწავლის დაწყებასთან დაკავშირებით, მივმართავ მშობლებს, რომ სკოლაში არავითარ შემთხვევაში არ გაუშვან ბავშვი, ვისაც ექნება ტემპერატურის მატება ან რამე რესპირატორული სიმპტომები, დარეკონ 112-ზე და ექიმის კონსულტაციით მართონ შემთხვევა. ასევე მივმართავ სკოლის ხელმძღვანელებს, იყოს მუდმივი თერმოსკრინინგი და არ დაუშვან მომატებული ტემპერატურით ბავშვი სკოლაში. ეს ძალიან მნიშვნელოვანია“,- განაცხადა გამყრელიძემ.

მისივე თქმით, პრევენციის მიზნით, სკოლები და უმაღლესი სასწავლებლები ყოველდღიურად სველი წესით უნდა დალაგდეს. ასევე სასურველია გამოიყენონ სწავლების ჰიბრიდული მოდელი.

„უნდა ჩატარდეს პერიოდული დეზინფექცია, დაიცვან დისტანცია, ჰიბრიდული მოდელის უფრო ფართოდ გამოყენება აუცილებელია, რომ თავი დავიზღვიოთ დიდი მობილობის პროცესში, როდესაც ერთად 120-130 სტუდენტი უნივერსიტეტებში და 3-ჯერ მეტი მოსწავლე წავა სკოლებში, თავიდან ავიცილოთ ინფექციის შემდგომი გავრცელების ინტენსიფიკაცია ქვეყანაში“, - განაცხადა გამყრელიძემ.

დღეს, 10 სექტემბერს საქართველოში კორონავირუსის 57 ახალი შემთხვევა გამოვლინდა, 26 თებევრლიდან დღემდე COVID-19 დაუდასტურდა 1830 ადამიანს, აქედან გამოჯანმრთელდა 1 334 პაციენტი, გარდაიცვალა –19.

[sknews.ge]