გახარია მასწავლებლებს – 'ვინც იმყოფებოდით აჭარაში, თავი შეიკავეთ სამსახურში გამოცხადებისგან'

„მინდა, მოვუწოდო ყველა იმ ადამიანს, პირველ რიგში მასწავლებლებს, ან სასწავლო დაწესებულების თანამშრომლებს, რომლებიც ბოლო ორი კვირის განმავლობაში, ან 15 აგვისტოდან იმყოფებოდნენ აჭარაში, ან სხვა ეპიდემიოლოგიური რისკების მატარებელ რეგიონებში, ორი კვირის განმავლობაში თავი შეიკავონ, სასწავლო წლის პირველი ორი კვირის განმავლობაში სამსახურში გამოცხადებისგან“, – განაცხადა პრემიერმა მთავრობის სხდომაზე.

მისი თქმით, აღნიშნულთან დაკავშირებით საქმის კურსში უნდა ჩააყენონ განათლების სამინისტრო.

დღეს, 10 სექტემბერს, საქართველოში კორონავირუსით დაინფიცირების 57 ახალი შემთხვევა დაფიქსირდა. სულ ქვეყანაში ინფიცირების 1 830 შემთხვევაა გამოვლენილი, აქედან გამოჯანმრთელდა 1 334, გარდაიცვალა 19.

[sknews.ge]