ახალციხელი ბექა ბერძენიშვილი გურჯაანში ტურნირის ფალავანი გახდა

სოფელ ძირკოკში ტრადიციული ტურნირი „გრანდიოზული“ 5 სექტემბერს გაიმართა. ქართული ჭიდაობის ამ ტურნირს აქ საუკუნეზე მეტი ხნის ისტორია აქვს.

შეჯიბრში, რომელშიც 100-ზე მეტი სპორტსმენი მონაწილეობდა, საბოლოოდ კი გამარჯვება ბექა ბერძენიშვილმა მოიპოვა, რომელსაც ტრადიციულად ტურნირის მთავარი პრიზი "ჭედილა" გადაეცა.

ტრადიციული "გრანდიოზული" ქართულ ჭიდაობაში ა(ა)იპ გურჯაანის სპორტული გაერთიანების ორგანიზებით გაიმართა.

ბექა ბერძენიშვილი ახალციხის მუნიციპალიტეტის სოფელ წინუბნიდან არის. მისთვის ყველაზე დიდი წარმატება ევროპის ჩემპიონის ტიტულია, რომლიც 2016 წელს, რუსეთის ქალაქ ყაზანში +100 კგ. წონით კატეგორიაში მოიპოვა.

შემდეგ იყო „მსოფლიოს ვიცე-ჩემპიონის“ ტიტული, რომლიც რუმინეთის ქალაქ ბუქარესტში, 2018 წელს მიიღო. ამავე წელს გახდა ბექა „საქართველოს აბსოლუტური ფალავანი“.

ბოლო მნიშვნელოვანი წარმატება 2019 წლის ივნისში, ევროპული თამაშების ჩემპიონობა იყო, სადაც მსოფლიოს ოთხი და ევროპის ექვსგზის ჩემპიონი, ბელარუსი იური რიბაკი, არასრულ ორ წუთში 8:0 დაამარცხა.



[თაკო ფეიქრიშვილი]