ხვალ ერთიანი ეროვნული გამოცდები იწყება

შეგახსენებთ, რომ ხვალ, 28 ივნისს, ქართული ენისა და ლიტერატურის გამოცდით, ერთიანი ეროვნული გამოცდები იწყება.

როგორც განათლების სამინისტროში აცხადებენ, ხვალინდელ გამოცდაზე აბიტურიენტთა რეგისტრაცია დილის 8 საათზე დაიწყება.

ქვეყნის მასშტაბით სულ 17 საგამოცდო ცენტრია გახსნილი. ერთ-ერთი საგამოცდო ცენტრი ახალციხეში, სახლემწიფო-სასწავლო უნივერსიტეტის შენობაშია განთავსებული.

ერთიან ეროვნულ გამოცდებზე 35,360 აბიტურიენტია დარეგისტრირებული.

გამოცდები 19 ივლისს დასრულდება. შედეგი კი 25 აგვისტოს გახდება ცნობილი.

ერთიანი ეროვნული გამოცდები წელს ბოლოჯერ ტარდება.

[sknews.ge]