რატომ თქვა უარი ‘სამცხის’ მაჟორიტარი დეპუტატობის კანდიდატობაზე ფიქრია ჩიხრაძემ

„ჩემს წინაშე არჩევანი იყო ასეთი, ან უნდა წავსულყავი რეგიონში, ძალიან რთულ და საინტერესო რეგიონში ეს გახლდათ სამცხე, ახალციხე, ან თბილისში საკმაოდ რთულ რაიონში, რთულ რაიონს შორის გახლავთ ერთ–ერთი სამგორი“,– ამბობს ფიქრია ჩიხრაძე.

ჩიხრაძის განმარტებით, პარტიული ინტერესებიდან გამომდინარე გადაწყდა, რომ მას კენჭი მაჟორიტარ დეპუტატად თბილისში უნდა ეყარა.

„ლელოს“ პარტიული ინტერესებიდან გამომდინარე აქცენტი გკეთდა იმაზე, რომ მე ვყოფილიყავი თბილისის კანდიდატი, ამიტომ ჩემი არჩევანიც – რატომ სამგორი გადმოიხარა აქეთ“,– განაცხადა ფიქრია ჩიხრაძემ გიორგი თარგამაძის გადაცემა „კომენტარში“.

„ლელომ“ 2020 წლის ოქტომბრის საპარლამენტო არჩევნებისთვის, მაჟორიტარი დეპუტატობის კანდიდატები საზოგადოებას 12 აგვისტოს წარუდგინა, ამ დღეს ნინოწმინდა–ახალქალაქის და ახალციხე–ადიგენი–ბორჯომი–ასპინძის მაჟორიტარულ ოლქებში არავინ არ დაუსახელებიათ.

მოგვიანებით პარტიის ახალციხის რაიონულ ოფისში განმარტეს, რომ „ლელო“ მაჟორიტარი დეპუტატობის კანდიდატებს სამცხე–ჯავახეთში უახლოეს დღეებში დაასახელებს.

[ნუკა სტეფნაძე]