მგფ სამცხე–ჯავახეთში 3 საჯარო სკოლას გაარემონტებს

ნინოწმინდის საჯარო სკოლა

სამივე სკოლის რეაბილიტაციისთვის მგფ–მ ტენდერი უკვე გამოაცხადა, მათგან ორი ნინოწმინდის მუნიციპალიტეტში, ერთი კი ახალქალაქშია.

ქ. ნინოწმინდის №1 სკოლის რეაბილიტაციისთვის ფონდმა ტენდერი 3 093 938 ლარზე გამოაცხადა, ხოლო სოფელ ყაურმაში სკოლის რემონტისთვის 1 697 000 ლარია გამოყოფილი. ახალქალაქის მუნიციპალიტეტში სოფელ აზავრეთის საჯარო სკოლის რეაბილიტაციისთვის 1,9 მილიონია გათვალისწინებული.

მუნიციპალური განვითარების ფონდის ინფორმაციით, სკოლები საერთაშორისო სტანდარტების შესაბამისად მოეწყობა და სრულად იქნება ადაპტირებული შეზღუდული შესაძლებლობის მქონე პირებისთვის.

რეაბილიტაცია ჩაუტარდება საკლასო ოთახებს, საპირფარეშოებს, სპორტულ მოედნებს და ეზოებს. დამონტაჟდება გათბობის, წყალსადენის და კანალიზაციის სისტემები.


ყაურმის საჯარო სკოლა


აზავრეთის საჯარო სკოლა

[რობი ზარიძე]