მოხისა და ზარზმის სკოლებს რეაბილიტაცია ჩაუტარდება

პროექტი ითვალისწინებს არსებული სკოლების სრულ რეაბილიტაციას, კერძოდ, საკლასო ოთახების, საპირფარეშოების, სპორტ დარბაზების, სპორტული მოედნების და ეზოს ტერიტორიის კეთილმოწყობას.

სარეაბილიტაციო სკოლები მუნიციპალური განვითარების ფონდის აღმასრულებელმა დირექტორმა გიორგი შენგელიამ, ადგილობრივი ხელისუფლების წარმომადგენლებთან ერთად დაათვალიერა, სადაც არსებულ პრობლემებზე და მათი გადაჭრის გზებზე ისაუბრეს.

აღნიშნულ სკოლებში ასევე, იგეგმება გათბობის, წყალსადენის და კანალიზაციის სისტემების მოწყობა. სკოლები ადაპტირებული იქნება შეზღუდული შესაძლებლობების მქონე პირებისთვის.

ამ ეტაპზე, მიმდინარეობს საპროექტო-სახარჯთაღრიცხვო დოკუმენტაციის მომზადება.

[sknews.ge]