ასპინძასა და მიმდებარე სოფლებს ელექტროენერგია არ მიეწოდება

ადგილობრივები ამბობენ, რომ ასპინძაში დენი დღეს, 28 ივლისს დაახლოებით 19:00 საათზე გაითიშა.

"ძლიერი ქარი და წვიმა იყო, როგორც გვითხრეს აკეთებენ, ახალციხიდანაც არის ჩამოსული ჯგუფი და ეხმარება. უამინდობის დროს ყოველთვის ითიშება, იდუმალას, რუსთავს, ოშორას და მიმდებარე სოფლებს ძველი ფიდერი ამარაგებს და საათობით ველოდებით როდის შეაკეთებენ", – აცხადებენ ადგილობრივები.

"სამხრეთის კარიბჭეს" "ენერგო–პრო ჯორჯიას" ცხელ ხაზზე განუმარტეს, რომ ფიდერის დაზიანების მიზეზი უამინდობა გახდა: "მიმდინარეობს აღდგენითი სამუშაოები".

ამ ეტაპზე უცნობია რამდენი აბონენტია ასპინძაში ელექტროენერგიის გარეშე.

[sknews.ge]