ასპინძაში, ხუთ სოფელს ელექტროენერგია არ მიეწოდება

ელექტროენერგია არ მიეწოდება შემდეგ სოფლებს: საროს, ხიზაბავრას, ნიჯგორს, აწყვიტას და ტოლოშის ნაწილს.

როგორც ადგილობრივები ამბობენ, ელექტროენერგია დაახლოებით 15:00 საათზე გაითიშა: –„ თითქმის სამი საათია დენი არ გვაქვს, სოფელში ძლიერი ქარი და წვიმა იყო და ამ დროს გაითიშა“.

„ენერგო–პრო– ჯორჯიაში“ განმარტავენ, რომ ფიდერი „ხიზაბავრა“ ავარიულად გამოირთო, ელექტროენერგია არ მიეწოდება 450–მდე აბონენტს: „ადგილზე უკვე მუშაობს ტექნიკური ჯგუფი და ელექტროენერგია მალე აღდგება“.

[ლუბა გიორგაძე, ასპინძა]