25 ივლისამდე სამცხე–ჯავახეთში წვიმა და სეტყვაა მოსალოდნელი

დღეს, 20 ივლისს სამცხე–ჯავახეთში უნალექო და მზიანი ამინდი იქნება, ჰაერის ტემპერატურა 37 გრადუსამდე მოიმატებს.

ახალციხეში, ბორჯომში, ასპინძასა და ადიგენში ჰაერის ტემპერატურა +35, +37 გრადუსი დაფიქსირდება, ხოლო ღამით +19, +21 სითბოა ნავარაუდევი.

დღის განმავლობაში მზიანი ამინდია მოსალოდნელი მაღალ მთაშიც, ახალქალაქში, ნინოწმინდასა და ბაკურიანში +27, +29 გრადუსამდე გათბება ჰაერის ტემპერატურა, ღამით კი 14, +16 გრადუსი დაფიქსირდება.

21 და 22 ივლისს მთელს რეგიონში მოსალოდნელია წვიმა ელჭექით. სინოპტიკოსები მაღალ მთაში სეტყვას ვარაუდობენ. იქროლებს დასავლეთის მიმართულებით ქარი. ტემპერატურა 8–9 გრადუსით დაიკლებს.

ახალციხეში, ბორჯომში, ასპინძასა და ადიგენში დღის განმავლობაში ჰაერის ტემპერატურა +27, +29 გრადუსამდე შემცირდება, ხოლო ღამით მოსალოდნელია +14, +16 გრადუსი.

მაღალ მთაში ყველა მუნიციპალიტეტში წვიმა და სეტყვაა მოსალოდნელი. ახალქალაქში, ნინოწმინდასა და ბაკურიანში დღისით +23, +25 გრადუსამდე დაიკლებს ტემპერატურა. ღამით კი, +10, +12 გრადუსამდე შემცირდება.

23 და 24 ივლისს სამცხე–ჯავახეთის უმეტეს მუნიციპალიტეტში დღის განმავლობაში ხანმოკლე წვიმა შენარჩუნდება.

ახალციხეში, ბორჯომში, ასპინძასა და ადიგენში ჰაერის ტემპერატურა დღისით +28, +30 გრადუსამდე დაფიქსირდება, ღამით მოსალოდნელია უნალექო ამინდი, ტემპერატურა + 12, +14 გრადუსი იქნება.

იწვიმებს მაღალ მთაში, ახლქალაქში, ნინოწმინდასა და ბაკურიანში ტემპერატურის მკვეთრი მატება არ არის მოსალოდნელი დღისით +23, +25 გრადუსი დაფიქსირდება, ხოლო ღამით +11, +13 გრადუსია ნავარაუდევი.

25 ივლისიდან სამცხე–ჯავახეთში სინოპტიკოსები კვლავ არამდგრად ამინდს ვარაუდობენ.

[ნუკა სტეფნაძე]