სამცხე–ჯავახეთში 9 და 10 ივლისს სეტყვაა მოსალოდნელი

დღეს, 6 ივლისს სამცხე–ჯავახეთში უნალექო და მზიანი ამინდი იქნება, ჰაერის ტემპერატურა 36 გრადუსამდე მოიმატებს.

ახალციხეში, ბორჯომში, ასპინძასა და ადიგენში დღისით ჰაერი +34, +36 გრადუსამდე გათბება, ხოლო ღამით მოსალოდნელია +11, +13 გრადუსი.
დღის განმავლობაში უნალექო და მზიანი ამინდია მოსალოდნელი მაღალ მთაშიც, ახალქალაქში, ნინოწმინდასა და ბაკურიანში დღისით ჰაერის ტემპერატურა +25, +27 გრადუსამდე მოიმატებს, ღამით კი +9, +11 გრადუსი იქნება.

7 და 8 ივლისს სამცხე–ჯავახეთის ყველა მუნიციპალიტეტში დღის განმავლობაში უნალექო ამინდია მოსალოდნელი, ხოლო საღამოს საათებში ხანმოკლე წვიმაა ნავარაუდევი.

ახალციხეში, ბორჯომში, ადიგენსა და ასპინძაში ჰაერის ტემპერატურა მცირედით დაიკლებს, დღისით +30, +32 გრადუსამდე შემცირდება. ღამით უმეტესად უნალექო ამინდია მოსალოდნელი, ტემპერატურა +11, +13 გრადუსი შენარჩუნდება.

ახალქალაქში, ნინოწმინდასა და ბაკურიანში დღისით ჰაერი +22, +24 გრადუსამდე გათბება, ხოლო ღამით მოსალოდნელია +8, +10 გრადუსი.
9 და 10 ივლისს მთელს რეგიონში დღის განმავლობაში წვიმა და ელჭექია მოსალოდნელი, სინოპტიკოსები თითქმის ყველა მუნიციპალიტეტში სეტყვას ვარაუდობენ.

ხანოკლე წვიმა და ელჭექი იქნება ახალციხეში, ბორჯომში, ასპინძასა და ადიგენში. დღისით ჰაერის ტემპერატურა +25, +27 გრადუსამდე დაიკლებს, ღამით კი +7, +9 გრადუსი დაფიქსირდება.

წვიმა, ელჭექი და სეტყვაა მოსალოდნელი მაღალ მთაში, ახალქალაქში, ნინოწმინდასა და ბაკურიანში, დღის ტემპერატურა +17, +19 გრადუსამდე შემცირდება, ხოლო ღამით +5, +7 გრადუსი დაფიქსირდება.

11 ივლისიდან სამცხე–ჯავახეთში კვლავ არამდგრადი ამინდია მოსალოდნელი.

[ნუკა სტეფნაძე, ახალციხე]