ერთიანი ეროვნული გამოცდები დაიწყო

პირველი გამოცდა აბიტურიენტებს ქართულ ენასა და ლიტერატურაში აქვთ. საგამოცდო ცენტრებში შესვლამდე აბიტურიენტებს უტარდებათ თერმოსკრინინგი.

ადგილზე იმყოფებიან საპატრულო პოლიციისა და დაცვის პოლიციის, ასევე სასწრაფო სამედიცინო დახმარების წარმომადგენლები.

დაავადებათა კონტროლისა და საზოგადოებრივი ჯანმრთელობის ეროვნული ცენტრის რეკომენდაციების შესაბამისად, გამოსაცდელთა და მეთვალყურეთა დაშვება ხდება მხოლოდ ყოველი საგამოცდო სექტორის ფართობის 50%-ზე. ყოველი სამუშაო მაგიდა წინა მხრიდან აღჭურვილია გამჭვირვალე დამცავი ფარით/ბარიერით; მაგიდებს შორის დაშორებაა მინიმუმ 2 მეტრი, ერთმანეთის მიმდევრობით განლაგებულ მაგიდებს შორის მანძილი კი - 1 მეტრი.

ქვეყნის მასშტაბით მუშაობს 24 საგამოცდო ცენტრი. გამოცდაზე რეგისტრაცია 08:00 საათზე ყველა საგამოცდო ცენტრში ერთდროულად დაიწყო.




[მარიამ ბარძიმაძე, ახალციხე]