ოქტომბრის არჩევნები 120/30 სისტემით ჩატარდება – პარლამენტმა საარჩევნო ცვლილებები დაამტკიცა

ახალი სიტემით პარლამენტში პროპორციული წესით 77–ის ნაცვლად 120 დეპუტატი აირჩევა, მაჟორიტარების რაოდენობა კი 73– დან 30–მდე მცირდება.

საკონსტიტუციო ცვლილებები გულისხმობს 40%-იან ჩამკეტ მექანიზმსაც, რაც იმას ნიშნავს რომ პარტია , რომელიც საპარლამენტო არჩევნებზე 40%-ზე ნაკლებ მხარდაჭერას მიიღებს, მთავრობის დამოუკიდებლად ფორმირებას ვერ შეძლებს.

კენჭისყრაში მონაწილეობა არ მიუღიათ „ნაციონალური მოძრაობისა და „ევროპული საქართველოს“ დეპუტატებს.

კანონპროექტის პირველი მოსმენა პარლამენტში 21 ივნისს შედგა. მაშინ ცვლილებას მხარი 136–მა დეპუტატმა დაუჭირა, მათ შორის კენჭისყრაში მონაწილეობა მიიღეს ‘ევროპული საქართველოს’ დეპუტატებმაც, რომლემლებიც „ნაც. მოძრაობის“ დეპუტატებთან ერთად კანონპროექტის დამტკიცებამდე ითხოვდნენ გიორგი რურუას გათავისუფლებას.

კანონპროექტის შემდეგი მოსმენისას, 23 ივნისს კი ევროპულმა საქართველომაც უარი განაცხადა მეორე მოსმენით კენჭისყრაში მონაწილეობაზე. კანონპროექტი კი მეორე მოსმენით 115 ხმით დამტკიცდა.

ახალი საარჩევნო სისტემა მხოლოდ 2024 წლამდე იმოქმედებს. მომდევნო საპარლამენტო არჩევნები კი მთლიანად პროპორციული სისტემით ჩატარდება.

[sknews.ge]