‘პენსიაზე გასული მასწავლებლებლებისთვის ფულადი ჯილდოს გაცემის პროგრამა უნდა გაგრძელდეს’ – გახარია

პრემიერის განმარტებით, შეუძლებელია განათლების რეფორმის ეფექტურობაზე საუბარი, თუ არ მოხდება მასწავლებლის ხელფასის მატება და ახალგაზრდა მასწავლებლების სწრაფად გადამზადება.

„მინდა კიდევ ერთხელ გავიხსენოთ საპენსიო ასაკის პრაქტიკოსი მასწავლებლები, რომლებიც ღირსეულ პენსიაზე გავიდნენ და მიიღეს ერთჯერადად ფულადი ჯილდო ორი წლის ხელფასის ოდენობით. ასევე ამ საპენსიო ასაკის მასწავლებლებს შეუნარჩუნდათ სიცოცხლის ბოლომდე ჯანდაცვის დაზღვევაც, ეს უკიდურესად მნიშვნელოვანი ნაბიჯია და ყველას კარგად უნდა გვესმოდეს, რომ ეს პროგრამა აუცილებლად უნდა გაგრძელდეს“, – განაცხადა გიორგი გახარიამ.

გახარიამ, ასევე აღნიშნა, რომ ამ პროგრამას აქვს ორი მიზანი: „პენსიას მიღწეულ ადმიანებს, ღვაწლმოსილ მასწავლებლებს, მივცეთ ღირსეულად პენსიაზე გაცილების შესაძლებლობა და სისტემა შევავსოთ ახალი, ახალგაზრდა მასწავლებლებით, რომლებმაც სწრაფად უნდა აიმაღლონ კომპეტენცია“, – თქვა პრემიერმა.

მისი თქმით, დღეის მონაცემებით ფულადი ჯილდო 4 826–მა პრაქტიკოსმა მასწავლებელმა მიიღო.

[ნუკა სტეფნაძე]