‘ჯობია იყო დარბაზში და პოზიციას აფიქსირებდე, ვიდრე ბოიკოტი გამოაცხადო’- ფოფხაძე

„ამ დარბაზში ყოფნა დღეს ყველა დეპუტატის პირდაპირი ვალია. თუ ვიღაცა არ იზიარებს ამ პოზიციას და მიაჩნია, რომ ეს საკონსტიტუციო ცვლილებები არ არის სწორი, სჯობს იყოს დარბაზში და თავის პიზიციას აფიქსირებდეს ვიდრე, ამ პროცესს ბოიკოტს უცხადებედეს და რაღაცა წინაპირობებს აყენებდეს. მგონია, რომ ჩვენ ამ შემთხვევაში ყველა უნდა ვიყოთ ერთიანი, ჩვენი ხალხისა და ჩვენი ქვეყნის სტაბილური და მშვიდობიანი განვითარების წინაშე“,- თქვა ფოფხაძემ.

დეპუტატის თქმით, ხალხს უნდა დაინახოს, რომ ქართული პოლიტიკური სპექტრი მათ ინტერესებს უფრო მაღლა აყენებს, ვიდრე პოლიტიკურ კონექტურას.

საკონსტიტუციო ცვლილებები მეორე მოსმენით დღეს, 23 ივნისს მიიღეს.

მეორე მოსმენას „ ევროპული საქართველოსა და „ნაციონალური მოძრაობის“ წევრები არ დაესწრნენ. მათი თქმით, ქართულმა ოცნებამ“ 8 მარტის მიღწეული შეთანხმება ბოლომდე არ შეასრულა, რაშიც გიორგი რურუას არ გათავისუფლებას გულისხმობენ. სწორედ ამიტომ მათ კენჭისყრაში მონაწილეობა არ მიიღეს.

„ევროპულმა საქართველომ“ პირველი მოსმენის დროს ცვლილებებს მხარი დაუჭირა, თუმცა აღნიშნეს, რომ მეორე და მესამე მოსმენაში მონაწილეობას არ მიიღებდნენ რურუას საქმის გამო.

[მარიამ ბარძიმაძე]