ვარძია და სამცხე-ჯავახეთის მუზეუმი გაიხსნა

უწყებათაშორისი საკოორდინაციო საბჭოს გადაწყვეტილებით, მუზეუმები და მუზეუმ-ნაკრძალები დამთვალიერებლისთვის ეტაპობრივად იხსნება. პირველ ეტაპზევე გაიხსნა ვარძია და სამცხე-ჯავახეთის მუზეუმი.

მუზეუმში შესვლა იგივე ფასადაა შესაძლებელი, აქ ცვლილება არ ყოფილა. უფროსები 3 ლარად, ხოლო ბავშვები 50 თეთრად შეძლებენ დათვალიერებას.

რაც შეეხება ვარძიის მუზეუმ–ნაკრძალში შესვლას, ტურისტებისთვის ფასი სამი თვის განმავლობაში განახევრდება და 15–ის ნაცვლად 7ლარი იქნება.

კვლავ 1 ლარი იქნება ბილეთის საფასური საქართველოს მოქალაქე მოსწავლეების, სტუდენტებისა და პენსიონრებისთვის.

ბილეთის ყიდვა არ მოუწევთ შეზღუდული შესაძლებლობის მქონე პირებს და მათ თანმხლებ მოქალაქეებს.

საქართველოს მუზეუმები და მუზეუმ-ნაკრძალები დამთვალიერებელს შემუშავებული რეკომენდაციების გათვალისწინებითა და უსაფრთხოების წესების დაცვით მიიღებს. პირველ ეტაპზე გაიხსნება ის მუზეუმები, რომლებიც ჯანმრთელობის მსოფლიო ორგანიზაციისა და საქართველოს დევნილთა, შრომის, ჯანმრთელობისა და სოციალური დაცვის სამინისტროს მიერ შემუშავებულ რეკომენდაციებს აკმაყოფილებს.

[sknews.ge]