‘ერთს შეიძლება ოპერაცია დასჭირდეს’ – როგორია დაშავებული ახალგაზრდების მდგომარეობა

კლინიკა „იმედში“ აცხადებენ, რომ სამი დაშავებულიდან ორის მდგომარეობა მსუბუქია, ერთს კი წვივის ძვლის მოტეხილობა და თავის ტრამვა აქვს.

„კლინიკაში მყოფ ორივე პაციენტს აკვირდებიან, ერთ–ერთ მათგანს შეიძლება ოპოერაციული ჩარევა დასჭირდეს, მეორეს შემთხვევაში კი კვლევის პასუხს ელოდებიან“, – აცხადებენ კლინიკა „იმედში“.

გუშინ, 19 ივნისს გვიან ღამით, ქვეითად მოსიარულე სამ ახალგაზრდას მანქანა ახალციხეში, თამარ მეფის ძეგლის მიმდებარე ტერიტორიაზე დაეჯახა.

იმავე დღეს „სამხრეთის კარიბჭეს“ კლინიკაში განუცხადეს, რომ მათთან მხოლოდ ორი დაშავებული შემოიყვანეს, დღეს კი გვითხრეს, რომ სამივე დაშავებული მათთან იმყოფებოდა.

შსს-მ მომხდარზე გამოძიება სსკ-ის 276-ე მუხლის მე-2 ნაწილით დაიწყო, რაც ტრანსპორტის მოძრაობის წესების დარღვევას გულისხმობს, რამაც ჯანმრთელობის დაზიანება გამოიწვია.

[sknews.ge]