სამცხე–ჯავახეთში 21 ივნისამდე არამდგრადი ამინდია მოსალოდნელი

დღეს, 15 ივნისს, სამცხე–ჯავახეთის უმეტეს მუნიციპალიტეტში, დღის მეორე ნახევრიდან წვიმაა მოსალოდნელი. ჰაერის ტემპერატურა +33 გრადუსამდე გაიზრდება.

ახალციხეში და ადიგენში დღის განმავლობაში ჰაერის ტემპერტურა +30, +32 გრადუსამდე გათბება, ხოლო ღამით +7, +9 გრადუსია ნავარაუდევი.

დღისით ჰაერის ტემპერატურა მოიმატებს ბორჯომში და ასპინძაში +31, +33, ღამით კი მოსალოდნელია +8, +10 გრადუსი სითბო.
დღის მეორე ნახევრიდან მაღალ მთაშიც წვიმა დაფიქსირდება.

ახალქალაქში, ნინოწმინდასა და ბაკურიანში დღისით ჰაერი +22, +24 გრადუსამდე გათბება, ხოლო ღამით მოსალოდნელია +5, +7 გრადუსი.

16 და 17 ივნისს მთელს რეგიონში დღის მეორე ნახევრიდან მოსალოდნელია ხანმოკლე წვიმა. ტემპერატურის მკვეთრი ცვლილება ნავარაუდევი არ არის.

ახალციხეში, ბორჯომსა და ასპინძაში დღისით ჰაერი +30, +32 გრადუსამდე გათბება, ხოლო ღამით ტემპერატურა კვლავ +9, +11 გრადრადუსამდე შენარჩუნდება.

ღამით ტემპერატურის მკვეთრი ცვლილება არ არის მოსალოდნელი მაღალ მთაშიც, ახალქალაქში, ნინოწმინდასა და ბაკურიანში ღამით ჰაერის ტემპერატურა +7, +9 გრადუსამდე იქნება შენარჩუნებული, ხოლო დღისით +21, +23 გრადუსამდე შემცირდება.

18–დან 20 ივნისის ჩათვლით მთელს რეგიონში ამინდის გაუარესებაა მოსალოდნელი. როგორც დღისით, ასევე ღამის საათებში დროგამოშვებით ხანმოკლე წვიმა ელჭექით არის ნავარაუდევი. გარკვეულ მუნიციპალიტეტებში შესაძლებელია სეტყვა.

„ახალციხეში, ადიგენში, ასპინძასა და ბორჯომში დღისით ჰაერის ტემპერატურა + 27, +29 გრადუსამდე შემცირდება, ხოლო ღამით +7, +9 გრადუსი დაფიქსირდება.

წვიმა და ელჭექია ნავარაუდევი ახალქალაქში, ნინოწმინდასა და ბაკურიანში, ხოლო 18 ივნისს შესაძლებლია სეტყვა, დღისით ჰაერის მაქსიმალური ტემპერატურა +20, +22 გრადუსამდე მიაღწევს, ღამით კი +5, +7 გრადუსი დაფიქსირდება.

21 ივნისიდან რეგიონში არამდგრადი ამინდი კვლავ შენარჩუნდება.

[ნუკა სტეფნაძე, ახალციხე]