როგორი ამინდია მოსალოდნელი სამცხე–ჯავახეთში 8 ივნისამდე

დღეს, სამ ივნისს ღამით მთელს რეგიონში ხანმოკლე წვიმაა ნავარაუდევი, ახალციხეში და ასპინძაში ღამით +6, +8 გრადუსი სითბო დაფიქსირდება, ხოლო ბორჯომში და ადიგენში ღამით +7, +9 გრადუსია ნავარაუდევი.

ასევე ხანმოკლე წვიმა დაფიქსირდება ახალქალაქში, ბაკურიანსა და ნინოწმინდაში, ღამით ჰაერის ტემპერატურა + 7, +9 გრადუსი იქნება.

4 და 5 ივნისს სამცხე–ჯავახეთში, დღის განმავლობაში ხანმოკლე წვიმა და ელჭექია მოსალოდნელი.

ახალციხესა და ასპინძაში დღისით ჰაერის ტემპერატურა +24, +26 გრადუსამდე გათბება, ხოლო ღამით +8, +10 გრადუსი დაფიქსირდება. ბორჯომსა და ადიგენში დღის ტემპერატურა +22, +24 გრადუსამდე მიაღწევს, ღამით კი მოსალოდნელია +9, +11 გრადუსი.

დროგამოშვებით იწვიმებს მაღალ მთაშიც, ახალქალაქსა და ბაკურიანში დღისით ჰაერი +17, +19 გრადუსამდე გათბება, ღამით კი +6, +8 გრადუსი იქნება.

6 და 7 ივნისს მთელს რეგიონში გამოიდარებს და უნალექო ამინდი იქნება.

6 ივნისს ახალციხეში, ასპინძაში, ბორჯომსა და ადიგენში დღისით ჰაერის ტემპერატურა +26, +28 გრადუსამდე გათბება, ხოლო ღამით +9, +11 გრადუსამდე დაიწევს.

უნალექო ამინდია მოსალოდნელი ახალქალაქში, ბაკურიანსა და ნინოწმინდაშიც. დღის მაქსიმალური ტემპერატურა +22, +24 გრადუსს მიაღწევს, ღამით კი ნავარაუდევია +4, +6 გრადუსი.

7 ივნისს დღისით ტემპერატურა მკვეთრად მოიმატებს. ახალციხეში, ასპინძაში, ბორჯომსა და ადიგენში დღისით ჰაერი +29, +31 გრადუსამდე გათბება, ღამით კი +9, +11 გრადუსამდე დაიწევს.

+4, +6 გრადუსი შენარჩუნდება ღამის ტემპერატურა ახალქალაქში, ნინოწმინდასა და ბაკურიანში, ხოლო დღისით +23, +25 გრადუსამდე მოიმატებს.

8 ივნისიდან მთელს რეგიონში უმეტესად უნალექო ამინდია მოსალოდნელი.

[ნუკა სტეფნაძე, ახალციხე]