დაეხმაროს საქართველოს მთავრობა სომხეთს კორონავირუსთან ბრძოლაში – პეტიცია

ფოტო: BM.GE

“ვთხოვთ საქართველოს მთავრობას, რომ განიხილოს მეზობელი ქვეყნის დახმარება ასეთ რთულ დროს. დახმარებაში ვგულისხმობთ სომხეთისთვის შეთავაზების გაკეთებას მათი პაციენტების საქართველოში მკურნალობასთან დაკავშირებით. ვთვლით, რომ ეს იქნება სწორი ნაბიჯი მეზობელი სახელმწიფოს დასახმარებლად და რეგიონში ეპიდემიოლოგიური სიტუაციის გამოსასწორებლად”,- წერია პეტიციაში.

გუშინ, ოთხ ივნისს სომხეთის პრემიერ–მინისტრმა, ნიკოლ ფაშინიანმა განცხადა, რომ ქვეყანაში უკვე არიან ადამიანები რომელთა ჰოსპიტალიზაციასაც ვეღარ მოახერხებენ, რადგან კლინიკები გადატვირთულია. მისი ვარაუდით, ინფიცირებულთა რიცხვი გაცილებით მეტია, ვიდრე კლინიკურად დადასტურებული შემთხვევები.

კორონავირუსითაა ინფიცირებული ნიკოლ ფაშინიანიც და მისი ოჯახიც.

სომხეთს საქართველოსთვის დახმარების თხოვნით ჯერ არ მოუმართავს.

მეზობელ ქვეყანაში კორონავირუსით ინფიცირებულია 11 221 ადამიანი. ბოლო 24 საათში გამოვლინდა 698 ახალი შემთხვევა. სომხეთში COVID 19-თ გარდაიცვალა 176 ადამიანი.

[sknews.ge]